Product Summery

Uzoq vaqt qo‘limda bo‘lgan ammo mutolaasiga kirisha olmayotgan kitobimni o‘qishni boshlaganimda, nega avvalroq o‘qimadim, degan fikr birdan kelgan. Tasavvur qiling ancha yillar oldin yo‘qotgan insoningizdan, ( yaqin qarindosh yoki oila a‘zoyingizdan) oradan 11 yil o‘tib maktub oldingiz! Qanday ahvolga tushardingiz?! U inson bu hayotda yo‘q! Ammo sizning buguningizda oldingizda bo‘lishni juda istagan... O‘sha inson OTAngiz bo‘lsachi? ( hech kimga ota-onamizdan erta ayrilish g‘ami buyurmasin) Asar qahramoni Georg 4 yoshligida ayrilgan otasidan oradan 11 yil o‘tib ,maktub oladi. Bu maktubda esa bir Apelsin Qiz hikoyasi bitilgandi... Yozuvchi asarda ikki parallel chiziqda voqealarni izohlaydi. ✔️ Birinchi chiziq: Georgning o‘zining hayot yo‘li va uning buguni, kechinmalari ✔️Ikkinchi chiziq: Yan Ulavning ( Georgning otasi) xatidagi mo‘jaz hikoya va uning kechinmalari. Yozuvchi har bir qahramoniga uning o‘zi tilidan ta‘rif beradi va xarakter belgilarini ochib ko‘rsatadi. Asarning boshida Apelsin Qiz voqeasi to asar oxirigacha sirli bo‘lib boradi va Yan Ulav o‘z farzandiga 11 yil oldin aytolmagan, u bilan dildan suhbatlashishni istagan mavzulardagi maktubda diydorlashadi.Juda erta vafot etgan Yan Ulav o‘z farzandi iqbolini ko‘rishni va uning balog‘at yoshiga yetganida istalgan mavzularda suhbat qurishni chin ko‘ngildan xohlaganligini tuyg‘ularga ko‘milgan xatdan bilib olamiz. Yan Ulav maktubda bir savolni so‘raydi: ✉️ “Agar bu hayotda tug‘ularkansan demak ketishing ham aniq. Agar senga shunday imkon berilganda yerga safaring qancha davom etishini ham bilmaysan , sen mana shu safar davomida erishgan narsalaring va sevimli insonlaringni tashlab ketishga ko‘zing qiyadimi? Ya‘ni sen ayriliqqa chiday olasanmi? Yoki bu azobdan ko‘ra tug‘ilmaslikni niyat qilgan bo‘larmiding?” Menimcha bu yozuvchining insoniyatga yo‘llagan savoli! Har qancha alamli bo‘lmasin, qachondir ketish vaqting kelganida Insonning ortidan qoladigan yaxshi ishi-yu, go‘zal amallari ,umr daraxtiga qo‘ygan bir dona g‘ishti uning YASHADIM deyishiga sababchi bo‘ladi, menimcha. Yan Ulavning go‘zal sevgi tarixi, Apelsin Qizning sirli boqishlari, Georg ota-onasi haqidagi chiroyli qissani bilib olishi unga ruhiy madad beradi va bizni ham o‘sha savolni berishga undaydi... Lucky you!