Product Summery

«Бир соатлик (мазмунли) тафаккур бир йиллик (нафл) ибодатдан афзалдир». (Ҳадиси шариф) Инсондаги онг, ҳаяжонли қалб, олий руҳ ва кўплаб бошқа маънавий латиф ҳис-туйғулар унинг бу дунёга жониворлар каби еб-ичиб, насл қолдириш учун келмаганига ва махсус ҳамда муҳим вазифа учун яратилганига далолат қилади. Дарҳақиқат, инсон дунё меҳмонхонасининг азиз меҳмонидир. Балиқ сувда яшаб, унинг нималиги ва қадр-қимматини билмаса ҳам, сувнинг қадри йўқолмаганидек, инсон мўъжизалар, ажойибот ва ҳикматларга тўла бу коинот саройининг ичида яшаб, ундаги маъно ва мазмундан кўпинча бехабар юрсада, коинотнинг қиймати йўқолиб қолмайди. Зеро, кундуз куни кўзини юмган одам фақат ўзини зулматга ғарқ қилади.