product summery

Ғарб мамлакатларида оила ва никоҳ масаласига жиддий қаралмаслигини биламиз. Аммо Омина Шенликўғлининг "Патрисия" романини ўқиганимизда, ғарбда ҳам шарқ халқларининг ибратли оилалари билан тенглаша оладиган кичик жамиятларнинг борлигини Жозефлар оиласи мисолида кўришимиз мумкин бўлади. Шунингдек, муаллиф томонидан асар бош қаҳрамони - Патрисия образи ажойиб ва гўзал бир тарзда очиб бериладики, у Европанинг ирқчилик, гиёҳвандлик, никоҳсизлик каби салбий иллатлар урф бўлган муҳитида туғилиб, вояга етган бўлишига қарамай, ўз шахсиятини ушлай олган, эътиқодли ва илмга интилувчан, ниҳоятда гўзал хулқли қиз қилиб тасвирланади. Патрисия ота-онаси ва яқинлари билан ҳамжиҳатликда оиласининг шаъни, қадри ва унинг келажаги учун қайғурган ҳолда курашди ва бунинг замирида олдига қўйган мақсадига эришди..