product summery

Наср оғир қадам, дейишади. Кўпчилик бу оғир қадамни ташлайди-ю, қайтиб оёғини кўтаролмайди. Кўтарса ҳам, ортида из қолмаётган бўлади. Тўпламда навқирон носирларнинг чўғ сачратиб олдинга ташлаган жиддий қадамларидан бир улгу йиғдик. Бу чўғ - туйғу оташи юрагингизга кириб боришини умид қилиб, оғир қадамлардан қолажак изларнинг баҳосини сизнинг ҳукмингизга ҳавола этдик. Ушбу китоб орқали навқирон носирларнинг энг сара ҳикояларини тақдим этишга интилдик. Уларнинг элга манзур бўлган ёздиқларини адабиёт мезонлари келажакка қай тарзда элтиши бизга қоронғи, аммо сиз - замондош китобхон бугуннинг тафаккури билан ўз баҳонгизни беришингиз мумкин. Бунинг учун ўқиётган ҳар бир ҳикоянгизни адабий дидингизга кўра баҳолаб боришингиз лозим. Кейинги босқич ҳақида батафсил танишиш учун китобнинг орқа саҳифасини очинг... Унутманг, адабиётнинг келажагига сиз ҳам дахлдорсиз! Мароқли мутолаа! Тўпловчи: Нодирабегим Иброҳимова.