product summery

«Islom mamlakatlari entsiklopediyasi» jahondagi Islom hamkorlik tashkilotiga a'zo davlatlar, undagi kuzatuvchi davlatlar va tashkilotlar, Islom tamadduni yetgan boshqa o‘lkalarning diniy, tarixiy, madaniy, siyosiy, iqtisodiy va ijtimoiy jihatlari haqida batafsil ma'lumot beruvchi ilmiy nashrdir. Qomusiy majmua ulkan mehnat va izlanishlar natijasi bo‘lib, tuzuvchi muallif asar ustida 15 yil mobay nida ish olib borgan, o‘zbek, ingliz, arab, rus va turk tillaridagi mavjud manbalardan istifoda etgan, nihoyat, 2022 yilda asarni O‘zbekistondagi Islom sivilizatsiyasi markaziga topshirgan. O‘zbekiston ma'naviy-ma'rifiy hayotida birinchi marta tasnif etilgan ushbu entsiklopediya orqali tildosh va dildosh kitobxonlar yer yuzidagi mo‘'min birodarlarining ijtimoiy hayotidan xabardor bo‘ladilar, turli xalqlar bilan do‘stlashib yashash hikmatini yana bir bor esga oladilar, deb umid qilamiz. Entsiklopediya keng o‘quvchilar ommasiga, tarix va islomshunoslik yo‘nalishidagi ixtisos sohiblariga, yosh tadqiqotchi va izlanuvchi olimlar jamoasiga hamda barcha ilm-fan muhiblariga mo‘ljallangan..