product summery

Аллоҳнинг сўнгги элчиси ўлароқ юборилган Муҳаммад соллаллоҳу алайҳи васаллам барча замон ва маконларнинг пайғамбаридирлар. Шу сабабли у зотнинг сўзлари, феъллари ила баён этилган ҳаёт йўлларига доир барча нарса биз учун жуда қимматлидир. Ҳаётлари Қуръоннинг тимсоли бўлгани учун у зот босган йўлларга назар солиб, илоҳий хитобни амалда қандай қўллашни ўрганамиз. Чунки Яратган Роббимиз: «Ва албатта, сен буюк хулқ узрадирсан», «Батаҳқиқ, сизлар учун – Аллоҳдан ва охират кунидан умидвор бўлганлар учун ва Аллоҳни кўп зикр қилганлар учун Расулуллоҳда гўзал ўрнак бор эди», деб марҳамат қилади. Инсон шу жиҳатдан назар солганда, Аллоҳнинг олдидаги бурчлари билан биргаликда ота-онаси, турмуш ўртоғи, дўстлари, барча мусулмонлар, бошқа дин вакиллари, ҳайвонот, наботот, атроф-муҳит билан муносабатда зарурий билимларни у зотнинг ҳаётларидан топади..